УВЕР ЙОГЫН

Марий Элыште чайшудо угыч ситышын лиеш

Морко районысо «Карман курык» республикысе пӱртӱс памятник кумдыкышто чайшудо угыч ситышын лиеш. 

Тиде амал денак шукерте огыл Марий Элын экологий лӱдыкшыдымылык, пӱртӱс поянлык да калыкым аралыме шотышто департаментшын специалистше-влак тушто республикысе Йошкар книгаш пуртымо чайшудо але вес семынже вӱршудо манме 100 наре кушкылым шынденыт. Росотам Юл кундем кугыжаныш технологий университетын ботанический садыштыже ончен куштеныт. Ончыч тыгай кушкыл курыкышто ситышын шочын, вара шагалемын.  Тидыже августышто эртарыме шымлымаш почеш рашемын улмаш.

Светлана Носова

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *