УВЕР ЙОГЫН

Тале журналист илыш гыч каен

 

Йошкар-Олаште республикын ик эн илалше журналистше Владимир Оленев илыш гыч каен. Тудо  71 ийыш тошкалын ыле. 

Волжск олаште шочын-кушшо рвезе тысе 4-ше №-ан школым ший медаль дене тунем пытарымекше, журналист семын икымше творческий ошкылым «Волжская правда» газетыште ыштен. Тышечак тӱҥалын, ӱмыржӧ мучкылан ты пашалан шӱмаҥын.

Москвасе М.В.Ломоносов лӱмеш кугыжаныш университетын заочный отделенийжым 1971 ийыште тунем пытарен. Тиде жапыштак республикыште лекше «Молодой коммунист» газет дене кылым кучен. Вара тудым комсомол, партий паша вучен.

В.И.Оленев профессиональный журналистын пашаштыже весе-влакым ӧрыктарен моштымым веле огыл эн тӱҥжылан шотлен, тыгак шкем ӧрыктарен кертмымат ончыл верыш луктын.

Чырык курым утла «Марий Эл» ГТРК-ым вуйлатен, 20 ий наре Россий журналист-влак ушемын республикысе отделенийжылан вуйын шоген. Марий кугыжаныш университетыште ончыкылык журналист-влакым туныктен. Тудо республикын илышыштыже, журналист пашаште аклаш лийдыме палым кодышо жапым пеленже наҥгаен. Кийыме мландыже пушкыдо лийже, ме тудым тале журналист да чын айдеме семын шарнаш тӱҥалына.

В.И.Оленевым шарныме да пытартыш корныш ужатыме гражданский панихиде 28 сентябрьыште, изарнян, 12 шагатлан  Республикын Мер-политик рӱдерыштыже лиеш.

А.АНДРЕЕВ.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *