УВЕР ЙОГЫН ЭКОЛОГИЙ

Марий Элыште чодырам шындыме пашам ворандараш тӱҥалыт

Федеральный чодыра озанлык агентстве «Иле, чодыра» акцийым увертарен. Тудын дене келшышын, Марий Элыштат тений шыжым чодырам шындыме пашам ворандараш тӱҥалыт. 

Тушко мер организаций, учреждений ден посна еҥ-влак ушнен кертыт. Акций эртыме пагытыште, 14 сентябрь гыч 31 октябрь марте, Куяр лесничествыште чодырам шындышаш улыт.  Тидлан Чодыра да сонар озанлык министерствыш тыгай  номеран 42-04-90,  42-16-58 дене але верлаште район администрацийыш, тыгак лесничествылаш  йодмашым пуыман. Чодырам тӱшкан шындаш лекме лишыл кечылан 23 да 30 сентябрьым палемдыме.

Светлана Носова

Опубликовать в Мой Мир
Опубликовать в Одноклассники

Добавить комментарий