КУЧЕМ УВЕР УВЕР ЙОГЫН

Вияҥаш парым кепшыл ок пу

Госсоветын 22 сентябрьыште эртыше заседанийыштыже Российын президентше Владимир Путин регион-влакын парымыштым реструктуризоватлаш тӱҥалме нерген ойлен. 

Элым вуйлатышын мутшо почеш, регионлаште финанс пашам яндарештышашлан тудлан у сыным пуаш, тыге регион-влакым вияҥдыме  бюджетым ышташ кӱлмым палемден. Кызыт регион-шамыч бюджетышт гыч оксам ончыч налме кредитлан процентым тӱлымылан  кӧра шуко йомдарат.

Шуко экспертын мутышт почеш, президентын кӱсыным реструктуризоватлыме нерген решенийже шукерте огыл губернатор-влакым сайлыме дене кылдалтын. Нунын кокла шукыштлан ончычсо вуйлатыше-влак деч шӧраш лийдыме кугу парым кодын.  Тудым вачӱмбач налын кудалтыде, регионым вияҥме корныш шогалташышт неле лиеш.

Сентябрьыште сайлымаш 16 регионышто лийын гын, тышеч шымытшын парымже пешак кугу. Нунын коклаш Марий Эл, Мордовий, Карелий, Удмуртий республик, Киров, Белгород, Саратов область-влак пурат.

Палашлан, сентябрь тӱҥалтышлан республикнан кугыжаныш ончылно парымже 13,5 млрд теҥге лийын, тылзе жапыште ик миллиард теҥгелан иземын. Минфинын данныже почеш, бюджет ден коммерческий кредит кугыт палынак шагалемын, тыгодымак республикын лукмо кугыжаныш шергакан кагазын суммыжо кугемын.  Парымыште банк гыч налме кредитын ужашыже августысо 56 процент гыч сентябрьыште 45 процент марте иземын. Коммерческий кредитын суммыжо талук тӱҥалтыш гыч 3 млрд теҥгелан, але ик кумшо ужашлан, шагалемын.

А.АНДРЕЕВ.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *