КАЛАСЕ, "МАРИЙ ЭЛ"

Шотышто кучеда, ида азаплане

Тазалыкем начареммылан кӧра ынде кок ий сад участкыштем пашам ыштен ом керт. Кертмем семын миен, тӧрлатыл шогем, шудылан кушкаш ом пу, арулыкымат эскерем. Тудым мый дечем поген налын кертыт мо? 

А.Игнатьева.
Йошкар-Ола.

Росреестрын Марий Элысе управленийыштыже ты йодышлан тыгай вашмутым пуэныт:

– Мландын озаже уло гын, тудо арам кийышаш огыл, молан пуымо,  тудлан кучылталтшаш. Участке кум ий тӱкыде киен гын, мландын кушкылым шочыктен кертше вийже иземеш, тудын йыр пӱртӱслан,  пошкудо участке-влаклан эҥгек ышталтеш. Тыгай годым мландым поген налын кертыт. Тидын нерген Российын Гражданский ден Мланде нерген кодекслаштыже, садовод-влак объединений нерген законышто да «Об обороте земель сельскохозяйственного назначения» 101-ФЗ №-ан законышто каласыме.

Мландыдам поген налаш амал лектын гын, тылеч ончыч пошкудыда-влак мланде законодательствым пудыртымым тергыше ик органышкыже: поселкын администрацийшкыже, СНТ вуйлатышылан, прокуратур органыш, мланде комитетыш – увертарышаш улыт. Нарушений тӱжвак лектеш гын, тергыме материалым судыш пуаш лиеш. Собственностьлан шотлалтше участкым суд гоч веле поген налын кертыт.

А.АНДРЕЕВ ямдылен.

Опубликовать в Одноклассники

Добавить комментарий