«МАРИЙ ЭЛ» ТАЧЕ

«Марий Эл»: 2017 ий 16 сентябрь

! «Ӱдырамаш корно» мужыр лаштык Морко районышто шочын-кушшо, кызыт ешыж дене Медведево районысо ялыште илыше  Екатерина Тетертна нерген кумдан каласкала.  Кызыт кокымшо икшывыж дене мӧҥгыштӧ шинча гынат, ласкалык, манмыла, омешыже веле конча, очыни… «Икымше йоча ден кокымшо коклаште — коло ий. Кокымшыжым нылле  ияш ыштышым. Тыге илыш савырен. Кажне ӱдырамаш Ава лийшаш, кажне ӱдырамашын Ава лиймыже шуэш. А йочам пелашын йодмыж почеш ыштыман, маныт. Маныт огыл, тыгак лийшаш!»,- манеш ӱдырамаш.  «Пиал шкеже толеш» вуймутан матриалым лудын, ты оҥай еҥ нерген чыла пален налыда. 

! «Арслан» лаштыкын унаже — Морко район Арынысе Христосын шочмыжлан черкын протоиерейже марий пӧръеҥ Николай (Чузаев) ача. Вет тыглай айдемын илыш умылымашыже Юмылан ўшанышын деч ятырлан ойыртемалтеш. Теве йӧратымаш нерген кузе шонкала. «Кызыт йєратымаш умылымаш шеҥгеке шўкалалтын. Ожнысо еш коклаште чытыш кугу верым налын. А кызыт вате-марий-влак икте-весым умылашыжат огыт тырше, чытышыштат уке. Ватын але марийын койышышт уда велке вашталтме годым иктыже весыжлан сайрак лияш тыршыман. Черкат тыште кугу полышым пуэн кертеш. Юмылан ўшанаш тў‰алме айдемын койышыжым сай велке вашталта. А пелашыжын сайрак лияш тыршымыже марийжынат койышыжым, илышыжым сай велыш вашталташ кумыланден кертеш. Сандене икте-весылан эҥертыш лийманак». Светлана Носован «Шўдє пачаш поро дене пєртылеш…» Н.Чузаев дене вашмутланымашыже лудшо-шамычлан оҥай лийшаш.

! 10 сентябрьыште М.Шкетан лӱмеш Марий кугыжаныш драме театрыште Марий Элын калык, Российын сулло артистше, М.Шкетан лӱмеш кугыжаныш премийын лауреатше Олег Кузьминыхын лӱмгечыжлан пӧлеклалтше пайрем лийын. «Пӱртӱсын моторлыкшым лач поро кумылан еҥ ужын да шижын мошта», — маныт калыкыште. Тиде ой марий шӱлышан, моткоч поро кумылан артистлан тӱрыс келшен толеш. Олег Елизарович изирак денат, кугурак-шамыч денат чылт психолог гай мутланен, нуным колыштын мошта. Тудо айдеме дене веле огыл, кушкыл денат мутлана. Чодырашке поҥгым ма емыж-саскам погаш мийымекыже пелешта, ведражым але куршыжым темен лекмеке, тауштен чеверласа. Теве могай тудо, 55 ийым темыше, йӧратыме пашажым 35 ий шуктышо еҥ. Алевтина Байкован артистын лӱмгечылан пӧлеклалтше материалже «Тале артист, уста кидмастар, колызо…» вуймут дене савыкталтын.

А.АНДРЕЕВ.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *