ОБРАЗОВАНИЙ

Ялысе йочалан келшыше йӧн

Кужэҥер районысо Коҥганур кыдалаш школышто ик гана веле огыл лиялтын. Моло общеобразовательный учрежденийласылак тыште паша икшырымын кая. Кажне туныктышо шке сомылжым шукта, шке предметшым туныкта. Тӱрлӧ мероприятийыш пырля ушнат, веселан эртарат. Тунемшыштат руш, марий йылме, алгебра технологий предмет дене конкурслаште вийым тергат, сай результатым ончыктат. Физкультур да спортыштат  кӱкшытышт дене куандарат, республикын чапшым аралат.  Туныктышо! Содыки могай кумда шонымашан мут. Эреак йоча-влак коклаште, нунылан илыш-корныш у ошкылым ышташ полшат, нунын верч йўдшє-кечыже, тургыжланат манам гынат, йоҥылыш ом лий. Вес кечылан у материалым ямдылат, урокым оҥайракын да пайдалын эртараш тыршат. 

Мутем Кужэҥер районысо Коҥганур школын опытан туныктышыжо А.Сабанцева нерген. Альбина Николаевна ты пашаште 32 ий тырша. Тышечын луымшо ий завуч сомылым шукта. Туныктымо корныжо Шорсола школ гыч тӱҥалын.

– Школышто мыланем, самырык туныктышылан, тунам чылажат у, палыдыме, икымше гана лийын. Тӱҥалтыште тунемше-влак дене пырля шкежат тунемынам, кажныжын койышыжым пален шумеке, шотыш налаш тыршенам. Вес семынже ок лий. Жап эртыме семын лач тыге  туныктымо опыт погынен. Теве ынде, эртышым шарналтен, тачысе саман дене таҥастарашат йӧн уло. Ончыч йоча-влак тыршымышт дене ойыртемалтыныт, – ойла А.Сабанцева.  – Тунам мо кӱлешым кевытыште, компьютерыште пургедын, ямдым налме огыл. Чылажымат шке кид дене ыштыме. Тидыже уш-акылым пӱсемдашат, кидым лывырташат полшен, а кызыт тиде ок шижалт. Можыч, тыгай илыш йогын.

Кумданрак – «Марий Эл» газетын
12 сентябрьыште лекше номерыштыже лудын кертыда.

 

Е.Эшкинина.
Снимкыште: А.Сабанцева урок деч ончыч.
М.Скобелевын фотожо.

Опубликовать в Одноклассники

Добавить комментарий