УВЕР ЙОГЫН

Кумалтышлан у вер

Марий Юмыйӱла ушемын Йошкар-Оласе общиныже 8 октябрьыште Йошкар-Ола воктенысе Тумер отышто шыже кумалтышым эртара.  
Кодшо каныш кечылаште общинын еҥже-влак кумалтышлан у верым ойырен налыныт да тудым эрыктен, тӱзатен шынденыт. Кумалтыш годым ик тулолмо дене Курык Кугызалан, Пиямбарлан да Ото юмылан пелешташ тӱҥалыт. Надыр шотеш кок тагам да шулдыраным пуат. Кумалаш мийыше-шамычлан отыш пураш указатель-влак лийыт. Йолынат, машина денат пураш йӧн уло: Шернур кугорно деч заправке ваштареш асфальт корно кая. Сӧрен мийыше-влак чеспелаклан шулдыраным (комбо, лудо) намиен кертыт. Пелен кинде сукырым, сортам, оксам да кӱмыж-совлам налман. Кумалтыш 8 шагатлан тӱҥалеш.

Ю.Тушнурцев,
общинын тӱҥ онаеҥже.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *