УВЕР ЙОГЫН

Кокымшо гана – кугу туткар

Параньга районысо Марий Лажмарий ялыште 1 сентябрь йӱдым кугу пожар лийын ыле. 9 сентябрь кастене адакат тыгаяк туткар лийын. Тунам 8 пачеран пӧрт йӱлен гын, ты гана тул кок ешын пӧртшым, воктенсе оралтыжым да вольык ден чыве-комбыштым пытарен.

Тудым 21 шагатланрак пошкудышт ужыныт да вигак пожарный-влаклан увертареныт. Суртоза ден эргыже тиде жапыште мӧҥгыштак лийыныт. Шикш пушым шижын, нуно тӱжваке лектыныт да вӱта йӱлымым ужыныт. Но пожар ваштареш нимом ыштен кертын огытыл – тудо вӱтамбаке куснен да тушто улшо шудо моткоч писын йӱлаш тӱҥалын. Икмыняр жап гыч пожар пошкудо ешын пӧртшӧ ден моло оралтыштым авалтен. Пиалеш, тушто лийше-влак уремыш жапыштыже лектын шуктеныт.

Пожарный-влаклан тулым писынрак  чараш тале мардеж чаракым ыштен. Кок ешын сурт-оралтыже чак шинчымылан кӧрат нимомат утарен коден кертын огытыл. Тиде амал денак вӱташте лийше ушкалым, шорыкым, чывым, комбым тӱжваке луктын шуктен огытыл. Нуно йӱлен коленыт.

Л.Камалетдинова.

Опубликовать в Мой Мир
Опубликовать в Одноклассники

Добавить комментарий