УВЕР ЙОГЫН

   Корнан лий, у книга

Башкортостан Республикысе образованийын сулло пашаеҥже,  Яныш Ялкайн лӱмеш премийын лауреатше, III степень Паша Чап орденын кавалерже Р.Ялаеван (Камиланован) шукерте огыл лекше «А иначе зачем на земле мы живем» вуймутан книгаже Пӱтынь Марий калыкын икымше погынжылан 100 ий теммылан пӧлеклалтын.

Шым главам ушышо книга рушла да марла савыкталтын. Тудо Башкортостан Республикын изи, но тӱрлӧ сылне луклаштыже   илыше еҥ-влак – Мишкан, Нуриман, Янаул, Пӱрӧ, Балтач районлаште, тыгак Уфа, Нефтекамск олалаште, Йошкар-Олаште илыше патриот-шамыч – нерген кумдан каласкала.

Книга Мишкан районын историйже, образованийже, культуржо, кугу спортшо да ты район гыч лекше еҥ-влакын пӱрымашышт, Башкирийын пошкудо районлаже, Пермь край, Марий Эл Республикысе Морко район коклаште пеҥгыде экономике, культур да спорт кыл дене палыме лияш шонышо-влаклан темлалтеш.

Изданийым сылне фото-влак дене сӧрастарыме.

А.АНДРЕЕВ.

Опубликовать в Одноклассники

Добавить комментарий