УВЕР ЙОГЫН

Калык шӱвалеш, ер лиеш

Общероссийский калык фронтын Марий Элысе активистше-влак «ОНФ-ын корно инспекцийже/Пытыше корно карт» проектым илышыш пуртымо дене кылдалтын  Йошкар-Олаште ятыр уремым, Килемар ден Марий Турек районлаште икмыняр участке корным олмыктыктеныт. Проектыште палемдыме 308 пытыше корно гыч коло кудытшым тӱрыс тӧрлымӧ але лакылам петырыме, план почеш эше лу корным олмыктыман.

Июль кыдалне республик правительствылан калыкын пытыше корно картыш колтымо тӧрлаш кӱлмӧ лу участке нерген шижтарыме.

— 310 йӱкым погышо эн шӱкшӱ корно семын Кужэҥер районысо Йырмарий марте участкым шотлымо. Почешыже рӱдолан уремлаже шогат: Дружба урем 107 йӱкым поген, тушто олмыктымо паша мучашлалтын манаш лиеш. 81 йӱкым Складской уремлан пуэныт. – манеш проектын координаторжо В.Ершов. – Курыкмарий, Килемар, Шернур, Волжский районласе да Волжск оласе начар корным олмыктышаш верч азапланыше еҥ-влаклан кӧра нине кундемысе шагал огыл участке рейтингыште шуко йӱкым поген. Нуно тений але шушаш ийысе олмыктышаш паша планыш пурталтыт манын ӱшанена.

А.АНДРЕЕВ.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *