СОЦИАЛЬНЫЙ ИЛЫШ ТАЗАЛЫК

Пашам ышташ але умбакыже тунемаш?

Тазалыкым аралыме министерствын вуйлатышыже, медицине организацийын тӱҥ врачше-влак Ижевск, Казань, Нижний Новгород, Киров да Самара олаласе медицине вузлаште шинчымашым погышо студент-целевик-влак дене вашлийыныт. Мероприятийыш визымше курсым тунем пытарыше 60 утла ончыкылык врач толын.

Тазалыкым аралыме министрын обязанностьшым жаплан шуктышо М.Панькова студент-влаклан целевой йӧн дене тунемаш ойпидышым ыштыме годым налме обязательстве нерген ушештарен да кызыт республикыштына терапевт ден педиатр поснак кӱлмӧ нерген увертарен.

Министерствын кугыжаныш гражданский службо да кадр паша шотышто пӧлкан начальникше Е.Рокина медицине вузым тунем лекше-влакым пашаш налме да целевой ординатур дене кылдалтше нормативный базе дене палдарен.

Ончыкылык коллеге-влак дене республикысе медицине организацийлам вуйлатыше тӱҥ врач-шамычат мутланеныт, нуно тӱҥ шотышто вакантный должность-влак дене палдареныт.

Тиде вашлиймаш студент-влаклан ончыкылык корным ойырен налаш сай йӧным ыштен.

М.ИВАНОВА.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *