КАЛАСЕ, "МАРИЙ ЭЛ"

Жапым да оксам аныклыше йон

Жапым да оксам аныклыше йон

Колынам, кызыт вер гыч верыш кусараш лийдыме погылан правам кеч-мыняр тораште илет гынат, вес кундемыштат тушко шке гыч мийыме деч поснат регистрироватлаш лиеш, Мый Москва областьыште илем, а шукерте огыл Марий Эл гыч ача-аван илыме ял гыч серышым нальым. Родо-тукымем нунын деч кодшо сурт-оралтым мыйын лумеш возаш темлат. Мый еш дене кылдалтше амаллан кора шочмо кундемышкем миен ом керт, Росреестрын у йонжым пален налнем ыле.

А.Пивахтин.

Медведево район.

Йодышлан Росреестрын Марий Элысе управленийжын кугыжаныш инспекторжо С.Буклаева вашешта:

– Чынжымак, мемнан учреждений Российын кеч-могай регионыштыжо экстерриториальный принцип манме йон дене погылан правам регистрироватлаш йодмашым налеш. Ынде республикыште илыше ен кугыжаныш регистрацийлан документым илыме верже гычак пуэн кертеш. Мутлан, Краснодарский крайыште улшо пачерлан правам республик гыч лекдеак регистрироватлаш лиеш. Тидлан Росреестрын документым налме-пуымо кеч-могай пунктышкыжо йодмашым возаш лиеш. Офис-влакын спискыштым управленийын сайтыштыже верандыме.

Тораште улшо кусараш лийдыме погылан правам регистрироватлыме, кеч-могай сделкым ышташ йодмашым пуымеке, умбакыже чыла пашам ты пого верланыме кундемысе регистраций орган тендан лум дене пурышо электрон документла негызеш шукта. Йодмашдам могай органын да кузе шуктымо нерген чыла уверым Недвижимость шотышто единый кугыжаныш реестр гыч ыштыме выписке гоч пален налын кертыда.

Тыгай йон посна ен ден бизнесъен-влакын оксаштым да жапыштым аныкла. Чыла тидын нерген утларак раш ведомствын телефон дене умылтарыме шотышто рудерыштыже шуко каналан 8-800-100-34-34 номер дене  оксам тулыде, тыгак (8362) 23-02-10 номер дене пален налын кертыда.

А.АНДРЕЕВ ямдылен.

Опубликовать в Одноклассники

Добавить комментарий