ЯЛ ИЛЫШ

Имне — айдемын шулдыржо

 Параньга район Павыл почиҥга ялыште лиймына годым, ял покшелне чумырген шогалше имне-влакым шекланышна.  Мыйым  ужын, икмыняр имне лишеме. Нуным ниялташ кидым веле шуялташ кодын.

 Теве имне вӱта пелен, куэрлаште, шошылан йывыртен, изи ӱдыр лӱҥгалтыш дене лӱҥгалта.  Шижалтеш,  тудо тыште модаш йӧрата. Куэште шырчыкомарта-влак кечат, шырчык же  веле огеш кой.

 Имне-влак  мый дечем огыт лӱд, кочкышым але сакыр падырашым вучатчыни,  ни тидыжым, ни ни тудыжым налын омыл.Имньым ончышо лекте. Юрий Инородцев (снимкыште) имне вӱта ваштарешак  ила.

 — Ондак “Победа” СХПК-н механизаторжыланпашам ыштенам. Сомылем келша. Имньым визымше ий кучена. Кызыт ялыште пашам муаш пеш неле. Калык ойла: «Имньыдыме лият гын — шуко азапым ужат. Имне чылалан негыз». Чылажге латныл вуйым ончем. Шудо рулоным кондат.  Нуно   кечыгут пече коклаште  уремыштак  коштыт.  Телым йўштырак годым чомам веле вӱташ пуртена.. Тау  озанлык вуйлатыше Александр Евдокимович Павловлан  —  имньым пытарен огыл. Совет жап годым 24 вуй ыле Авет тудо  пашаштат кӱлеш, ужалашат, вашталташ лиеш, —  манеш Ю.Инородцев.

М.СКОБЕЛЕВ.

Авторын фотожо.

Опубликовать в Мой Мир
Опубликовать в Одноклассники

Добавить комментарий