КРИМИНАЛ

Йодмыжым шуктен огытыл

Суд зал гыч

Йодмыжым шуктен огытыл

Марий Элын ончычсо вуйлатышыже Леонид Маркелов шотышто 10 майыште Москваште эртыше суд тудым арестоватлымым законныйлан шотлымо нерген пунчалым луктын, палдара «Интерфакс».

Судышто Леонид Маркелов тудлан «тушкымо» преступленийым ыштыдымыж нерген ойлен. Ушештарена: ончычсо вуйлатыше «Акашево» агрохолдинглан субсидийым налаш полшымыжлан 235 миллион теҥге взяткым налмыжлан титаклалтеш.

Леонид Маркелов 3 миллион теҥге залоглан колташ але мӧҥгысӧ арестыш кусараш йодын. Но следователь тиде йодмашым шуктыде кодаш темлен.

Кызытеш республикын ончычсо вуйлатышыжым 12 июнь марте четлык коклаште кодат.

Л.Камалетдинова.

Опубликовать в Мой Мир
Опубликовать в Одноклассники

Добавить комментарий