СЫЛНЫМУТ

Сылнымутлан самырыкнек шӱмаҥдыман

Колумб лудмаш

Сылнымутлан самырыкнек шӱмаҥдыман

28 апрельыште В.Х.Колумб лӱмеш республиканский йоча да самырык-влаклан библиотекыште   «Колумб лудмаш» I регион-влак кокласе научно-практический конференций лийын. Тушко кумдан палыме ученый, поэт да журналист, образовательный учреждений-влакын преподавательышт, библиотекарь, студент В.Колумбын творчествыжым йӧратыше да лудшо-влак погыненыт. Марий Эл Республикын культур, печать да калык-влакын пашашт шотышто министрын алмаштышыже А.М.Одинцов поэт-новатор, уста кусарыше да литератур критик Валентин Колумбын   марий сылнымутым вияҥдымаште кугу надыржым палемден.

Конференцийын тӱҥ шонымашыже – еҥ-влакым уста марий поэтын илышыже да творчествыж дене палыме лияш кумылаҥдаш. Тушко погынышо-влак национальный литературым вияҥдыме кышкарыште общеобразовательный учрежденийлаште    В.Колумбын илыш корныж ден творчествыжым шымлыме годым лекше, самырык тукымым поэтын сылнымут саскажым тамлаш да краеведений литературым лудаш  кумылаҥдыме йодышлам каҥашеныт.

Е.Садовин.

Опубликовать в Мой Мир
Опубликовать в Одноклассники