СЫЛНЫМУТ

«Российысе калык-влакын кызытсе поэзий антологийже»

Антологий

У книга

«Российысе калык-влакын кызытсе поэзий антологийже»

24 апрельыште Марий Эл Республикын культур, печать да калык-влакын пашашт шотышто министерствыжын  конференц-залыштыже Российысе калык-влакын йылмышт дене возышо кызытсе поэт-влакын  произведенийыштым иктыш чумырымо сборникын презентацийже лийын. Тушко 57 йылме дене возышо 229 поэтын, 142 кусарышын пашат пурен. Антологийым ямдылымаште мемнан кумда элнан тӱрлӧ кундемыштыже илыше 800 наре еҥ тыршен.

Погынышо-влакым книга дене Марий Эл Республикын Правительстве председательжын алмаштышыже, культур, печать да калык-влакын пашашт шотышто министр Михаил Васютин палдарен да Россий Федерацийысе калык-влакын национальный литературыштлан полшымо программын илышыш шыҥдаралтмыж нерген каласкален.

У книгашке вич марий авторын: Анатолий Тмиркаевын  (Иван Волков кусарен), Геннадий Сабанцевын ( Генандий Смирнов кусарен), Валентина Изилянован (Герман Пирогов кусарен), Татьяна Соловьёван (Николай Переяслов ден Ирина Ермакова кусареныт) да Игорь Поповын (Геннадий Смирнов кусарен)   почеламутышт рушла да марла пурталтыныт.

Антологийлан ончылмутым Российын президентше Владимир Путин серен. Тудо Российыште национальный литературым арален кодымаште  антологийын кугу рольжым палемден

Ты книга дене  кеҥеж тӱҥалтыште Москваште эртышаш   «Йошкар площадь» фестивальыште палыме лияш йӧн уло.

Лишыл жапыште Россий калык-влакын прозо  антологийышт ден Йоча литератур антологийыштым лукташ палемдыме.

Е.Садовин.

М.Скобелевын фотожо.

Опубликовать в Мой Мир
Опубликовать в Одноклассники