ПЕНСИЙ СОЦИАЛЬНЫЙ ИЛЫШ

Пенсий фонд: Кандаш йочалан да вич пенсионерлан…

Россий Пенсий фондын Марий Элысе пӧлкаже Килемар районысо кугорнышто лийше шучко аварийыште илыш кайыше-влакын икшывыштлан пенсийым палемдаш да ешыштлан пособийым тӱлаш ямде. 

Кодшо кечылаште Пенсий фондын пашаеҥже-влак тиде йодышым ончылгоч лончыленыт да корно азапыште ӱмыр лугыч лийше-влакын икшывыштлан пукшышым йомдарыме шотышто пенсийым, ешыштлан пашам ыштыдыме пенсионерым тояш пособийым кӱчык жапыште палемдаш да тӱлаш мутланен келшеныт. Тиде ведомствысо пресс-службын увертарымыж почеш, ийготыш шудымо вич, 18 деч кугурак ийготан ик да кок чылт тулык йочалан пукшышым йомдарыме шотышто пенсийым лишыл жапыште палемдат. Тыгак илыш гыч кайыше пашам ыштыдыме вич пенсионерым тояш пособийым тӱлымӧ шотышто документым ямдылыме. Нунын родо-тукымыштым да йоча-шамычын представительыштым Россий Пенсий фондын районысо да оласе пӧлкалаштышт черет деч посна приниматлат.

Ушештарена, шучко корно азап 16 ноябрьыште 15 пассажирын илышыжым наҥгаен, нунын кокла гыч южыштын изи йочашт кодын.

М.ИВАНОВА.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники