УВЕР ЙОГЫН

Ялым вияҥдыме йодышым каҥашат

Теий 8-9 июньышто Москваште, ВДНХ-н 75 №-ан павильоныштыжо, «Российысе ял – 2017» всероссийсий форум эртаралтеш.

Тушто ялозанлык дене кылдалтше поснак кӱлешан йодыш-влакым каҥашат, ял кундем-влакын шумо кӱкшыштышт дене палдарат, пашаче кылым ыштат, Российысе ял ден изи олалам уэмден да вияҥден колтымо шотышто пайдале йӧным кычалыт, темлат. Программе почеш кочкыш сату выставке, фермер-влакын сатуштым ужалыме ярмиҥга лийыт. Форумышто «Шӧрым ямдылыме паша» ден «Кӱэштше ден кондитер» салон-влак омсаштым почыт. Тылеч посна киндым кӱэштме дене кылдалтше «Кинде – тиде тӱня» кокымшо тӱнямбал форум эртаралтеш. Ты мероприятийыш мемнан республик гычат каяш ямдылалтыт.

В.Смоленцев.   

Опубликовать в Мой Мир
Опубликовать в Одноклассники