Иле, Ленук!
СОЦИАЛЬНЫЙ ИЛЫШ

Иле, Ленук!

 

Шернур посёлкышто илыше Ирина ден Виталий Чемековмыт поро шӱм-чонан еҥ-влак деч полышым йодыт. Нунын пел ияш Лена ӱдырыштым остеопетроз манме пеш неле чер орландара.

Израильысе «Хадасса» медицине рӱдерыште эмлалташ гын, Чемековмыт икшывын илышыжым арален кодаш лиймылан ӱшанат. Кызыт волонтёр ден поро шӱм-чонан еҥ-влак изи Ленуклан оксам погат.

Ирина ден Виталий эше 2003 ийыштак ушненыт, а кужун вучымо йоча 13 ий гыч веле шочын. Ирина тудым 42 ияш ыштен.

 – Ӱдырна 3690 грамм нелытан да 51 сантиметр кужытан шочын, – ава лийме жапшым порын шарналта ӱдырамаш. – Пиаллан мучаш лийын огыл! Тунам тыгай ойгыш логалшашнам нимо шижтарен огыл…

Уто-сите азан шочмыж деч вара вигак гаяк тӱҥалын. Ӱдыр мӧҥгыштӧ улыжат ик арнят пеле илен. Ончыч шукерте огыл шочшо аза-влакын отделенийыштышт энцефалит деч эмлалтын, вара – онкогематологийыште. Икшывылан тений февральыште гына остеопетроз (тудым эше «мрамор чер» маныт) диагнозым шынденыт.

– Икшыван-шамыч умылат: ача-авалан тыгайым колаш моткоч неле. Но ме ешыштына Ленукын илышыже верч кучедалаш кутырен келшышна, – сай ончыкылыклан ӱшана Ирина Витальевна.  

Чемековмыт пален налыныт: Ленукын гай «мрамор черан» икшыве-влакым Израильысе «Хадасса» медицине рӱдерыште эмлат. Но тидлан пеш шуко окса кӱлеш – тынарыжым ӱмыр мучкат поген от ситаре. Родо-тукым да поро шӱм-чонан еҥ-влакын полшымышт дене ача-ава ӱдырыштым ты клиникысе врач-влаклан ончыктен кертыныт. Специалист-влак ты чер деч утлаш лиеш манын ӱшандареныт.  

– Клинике гыч вес лувемым шындаш, реабилитацийым эрташ да илаш 17 995 367 теҥгеаш счёт толын, – мутшым шуя Ирина. – Тиде моткоч кугу суммо! Врач-влакын мутышт почеш, изи икшывын чержым эмлаш куштылгырак, сандене Ленукым Израильыш кызытак наҥгаяш кӱлеш ыле…

Изи ӱдыр кызыт эмлымверыште кия, состоянийже моткоч начар. Ирина ден Виталий Чемековмыт поро шӱм-чонан кажне еҥ деч Ленукын илышыжым утарен кодаш полшаш сӧрвален йодыт.

Сбербанкын картыже 4817 7600 1738 1736

Налшыже: Чемекова Ирина Витальевна (Ленукын аваже)

МТС: +79877131074

МегаФон: +79278769784

Билайн: +79631278082

Яндекс деньги: 410014989078630

Paypal: irisha.chemekova@mail.ru

Webmoney Z324384432711

Полшышо группо – https://vk.com/lenochka_sos_osteopetroz

Документ-влак – https://vk.com/album — 139852486_241870818

Ленукын историйже – https://vk.com/topic-139852486_34781058

Полшашлан реквизит-влак – https://vk.com/topic-139852486_34781023

Ленукын Instagram: https://instagram.com/ lenochka_sos_osteopetroz

Чемековмытын телефонышт:

+79877077589 – Ирина (ӱдырын аваже)

+79177156513 – Виталий (ӱдырын ачаже)

Остеопетроз – тиде наследстве дене куснышо пеш шуэн вашлиялтше чер. Тудо икшывын лулегыжым але лувемжым локтылеш. Черлын лужо пудыргылеш, вӱрым ыштыме системыже тичмашын пашам ыштымым чарна.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники