СОЦИАЛЬНЫЙ ИЛЫШ

Ончыч – 18 ий марте, вара…

Иждивенец йочан пенсионер ача-ава-влак страховой пенсийышкышт кугыжаныш ешартышым налын кертыт. 2019 ий 1 январь тудо ик икшывылан 7112 теҥге лийын, кокытлан – 8890 теҥге, кумыт да тылеч шукылан – 10668 теҥге.

Россий Пенсий фондын Марий Элысе пӧлкажын данныйже почеш, тиде ешартыш икшывын 18 ийым темымешкыже ойыралтеш, йоча кокла але кӱшыл тунемме тӧнежыште шинчымашым очно пога гын – 23 ияш лиймешкыже.

Ешартыш шоҥгылык але инвалидность шотышто страховой пенсийыш икшывын ачажланат, аважланат пеҥгыдемдалтеш.

Тудым палемдаш иждивенец йочан пенсионер-шамычлан Россий Пенсий фондын верысе виктемышкыже йодмаш дене мийыман, пелен икшывын шочмо кагазшым, тунемме тӧнежше гыч справкым (18 ий марте огеш кӱл) кондыман.

Икшывым тунемме тӧнеж гыч луктын колтат але заочкыш кусарат гын, пенсионер ача-аваже ешартышлан праваштым йомдарат.

М.ИВАНОВА.

 

 

Опубликовать в Одноклассники

Добавить комментарий