СОЦИАЛЬНЫЙ ИЛЫШ

«Илаш тӱҥалына!»

Онкологий да гематологий чер ваштареш кучедалме тӱнямбал кечын, 7 февральыште, Российын эн сай врачше ден мер пашаеҥже-влак пациент-шамыч кид гыч «Илаш тӱҥалына» («Мы будем жить!») национальный премийым налыт. Тений Республикысе онкодиспансер тиде премийлан врач-онколог С.Немцева ден волонтёр И.Стояновскаям темлен.

 Премий айдеме илышым утарыме да онкологий дене кучедалме пашашке надырым пыштымылан кучыкталтеш. Тудын дене Российын эн сай врач-онкологшо, паремме, тӧрланыме корныш шке пример дене пеҥгыдын ошкылаш полшышо пациент, тиде проблемым ужын да умылен моштышо эн сай медицине тӧнеж, мер, тӱвыра пашаеҥ, поро кумыл организаций, социально-ответственный бизнес, журналист-влак палемдалтыт. 

Марий Эл Республикын сулло врачше С.Немцева диспансерыште 1992 ий гыч пашам ышта, 2005 ий гыч шӧртӱ пуалмашым диагностироватлыме да эмлыме отделенийым вуйлата. Светлана Владимировна Марий Элыште реконструктивно-пластический операцийым икымше ышташ тӱҥалын.

Кокымшо номинант – И.Стояновская. Тудо республикысе онкологийыште волонтёрствылан негызым пыштен, тыгак ветеран-шамычын турист толкыныштым организоватлен. Кызыт онкодиспансерын иктӧр консультироватлыме кабинетыштыже пашам ышта, шкежат черланыме гыч тӧрланыме марте пеш кужу да неле корным эртен.

«Мы будем жить!» национальный премийын официальный сайтыштыже номинант-влак верч йӱклымаш тӱҥалын. Мемнан еҥна-влаклан шке йӱкым кажныже пуэн кертына.

М.ИВАНОВА.  

Опубликовать в Одноклассники

Добавить комментарий