КУЧЕМ УВЕР

Федераций Советыште эртыше Марий Эл Республикын кечыже-влак жапыште «Россий Федерацийын субъектшын шагатыштыже» сенатор-влак ончылно республик вуйлатыше Александр Евстифеев докладым ыштен.

Тудо палемден: идалык утларак гына ончыч чумырымо правительстве сайын пашам ыштен. 2017-ше ийым иктешлыме почеш, пашадар 9,2 процентлан, промышленный производствын кугытшо 6,3 процентлан, тыгак рознично ужалымаш, илыме верым чоҥымаш кушкын, регистрироватлыме пашадымылык шагалемын. Тиде сӱрет теният палдырна. Тений 9 тылзе жапыште ялозанлык производство эн чот – 2017 ийысе дене таҥастарымаште, 10 процентлан – кушкын. Тиде показатель дене Марий Эл Юл кундем федеральный округышто 1-ше верым, Российыште 4-ше верым айла.

Тыгак палдарен: республикын правительствыже «Льняной Союз» межрегиональный мер фонд дене пырля йытын отрасльым уэш вияҥден колтымо шотышто пашам тӱҥалыныт.

Ойлымыжым мучашлышыла, Марий Эл вуйлатыше 2020 ийыште республикын 100 ияш лӱмгечыжым палемдаш тӱҥалмыж нерген ушештарен да Федераций Советын еҥже-влаклан ойырымо тӱткышлан, шым комитетыштат каҥашыме йодыш-влакым ончымо годым республикым вияҥдаш полшышо пунчалым лукмылан тауштен, палдара Марий Эл Республик Вуйлатышын организаций да аналитике виктемже.

Л.Камалетдинова.

Опубликовать в Одноклассники

Добавить комментарий