УВЕР ЙОГЫН

Калык ойпогым йӧратышылан

Марий Эл Республикысе марий юмыйӱлан рӱдӧ ушемже кок у савыктышым луктын.

Иктыже  – шушаш 2019 ийлан «Марла календарь». Тудым  марий калыкын кечышотшо, пайремже, шотлымо кечыже-влак палдарыше, фотосӱрет-влак дене сылнештарыме альбом манашат лиеш. Кажне тылзылан посна лаштык пӧлеклалтын,  фотосӱрет, ушан ой, пале-влак келыштаралтыныт. Калык йӱла дене кылдалтше шуко уверымат пален налаш лиеш.

Весыже – Марий юмыйӱла ушемын тӱҥ картше Александр Таныгинын чумырымо «Ош сандалык ончылно» книгаже. Тудо марий юмыйӱлан негызше, кумалтыш мутшо дене палдара. Книга марий калыкын историйжым шымлыше, тӱвыражым, калык ойпогыжым йӧратыше-влаклан пӧлеклалтын.

 

 С.Носова.  

Опубликовать в Одноклассники

Добавить комментарий