УВЕР ЙОГЫН

«Экострой» дене пырля шонымашке шуына!

Медведево районысо Кресола ялыште але марте икшыве-влак уремыште модын куржталыныт гын, ындыжым нуныланат, ик верыш чумырген юарлаш вер уло. Шукерте огыл тушто йоча площадке почылто. Тудым «Авамын куанже» манын лӱмденыт. «Молан тыгай лӱмым пуымо?» – ушышто йодыш пӧрдеш. Вет кажне икшыве — аван куанже. А тиде площадке лач аван кечыжым пайремлыме годым почылтын.

Эрдене индеш шагат гыч тӱҥалын кас марте тыште йоча-влакын куанен юарлыме йӱкышт шергылтын. Тидын гутлаштак нуно ӱстембал тич погымо шере кочкышым тамлен, самбар гыч шокшо чайым йӱын кертыныт. Икшыве-влак веле огыл, кугурак-шамычат тиде кечын чылт ньогала йывыртеныт. Вет арам огыл калыкыште ойлат: «Йоча куан — ава куан». 

Йоча площадкым ышташ ты ялыштак шочын-кушшо, кум шочшан ача Илья Чеченинын шонымашыже лийын. Илья – илыш дене тӧр ошкылшо, ончыко ужын моштышо чолга пӧръеҥ.

Илья Чеченин йолташыже Евгений Салянов дене пырля 11 ий чоҥымо да монтаж пашам ыштеныт. А шошым нуно стройматериалым ужалыше кевытым почаш шонен пыштеныт да шонымашкышт шуыныт. Йошкар-Оласе Серов уремын 59-ше пӧртыштыжӧ кумдыкым айлен, олмыктымо пашам ыштеныт да кевытлан келыштареныт. Тудым «Экострой» манын лӱмденыт.

Лач «Экострой» Илья ден Евгенийлан «Вчера, сегодня, завтра» проектым илышыш шыҥдараш полшен. Тыге эркын-эркын Кресола ялыш пурымаште, шола велне, коло сотык мландыште йоча-влаклан модаш вер келыштаралташ тӱҥалын. Ты пашаште нунылан верысе администраций, ял калык, но поснак ача-авашт, пелашышт да родо-тукымышт полшеныт. Йоча площадкыште турник, изи пӧрт, лӱҥгалтыш, карусель, изи да кугу курык улыт. Площадкым тӱрлӧ тӱсан штакетник дене печеныт.  

– Тиде ялыште икоян калык ила. Иквереш погынен, моткоч шуко мероприятийым эртара, – палемден йоча площадкым почмо годым Кузнецово ял администраций вуйлатыше Марина Владимировна Прокудина. – Тыгай пашаш кушкын толшо тукым уло кумылын ушнен. Тидыже мемнам моткоч куандара, Илья гай еҥ-влак шукыштлан пример улыт. Тек тиде ял ончыкыжымат вияҥеш, тӱзлана. А верысе калыкын тӱҥалтышым пыштыме пашажлан полшаш ме эреак ямде улына.

– Шкенанат кум йочана кушкеш, сандене ялыш толмеке, тушко лӱдде модаш колташ лиеш. Икшыве-влаклан тушто оҥай лийже манын, ончыкыжымат тыршаш тӱҥалына, – ойла чолга пӧръеҥ И.Чеченин. – Тыште икшыве-влакын шочмо кечыштым але эше иктаж пайремым эртараш вер моткоч келшен толеш. Теве У ий лишемеш. Тиде сылне пайремлан тыштат кож тӱрлӧ тӱс дене йолгаш тӱҥалеш. А шошым площадке йыр пушеҥгым шындаш шонымаш уло. А лишыл жапыште электротулымат келыштарена. 

 

– «Экострой» Йӱштӧ кугыза семын кажне еҥын шонымашыжым илышыш шыҥдараш полшен кертеш. Ме кевытыш толшо-влакым порын вашлийын, чылажымат рат дене умылтарена, ончыктена да налме сатуштым Йошкар-Олаште подъезд марте намиен кодена. А налме стройматериал дене иктаж-могай пашам ышташ кӱлеш гын, туштат ме полшен кертына. Тыгай годым 30 процент скидкым ыштена. Район гыч толшо-влакланат сатулан 10 процент скидкым ыштена.

Икманаш, кушкын толшо тукым йӧнан верыште каныже, веселан модшо манын, «Экострой» чыла шотыштат тургыжлана.

 

Лийже веле шонымаш,

«Экострой» полша ышташ!

 

Татьяна Талайкова:

– Йоча-влаклан тиде – кугу куан. Жалке, уныкам-влак тыгай сылне верым кеҥежым веле ужыт. Но фотокартычкым нунылан Беларусьыш ончалашышт колтем: тек куанат. Илья гай чолга еҥ-влак веле тыгай пашалан пижын кертыт. Молодец! Тек ончыкыжымат ыштышаш пашаже ворана.

 

Зинаида Короткова:

Йоча площадкыш тольым да тусо жапем вик шарналтышым. Икана кугу курык гыч мунчалтымем годым пижергем йомдаренам ыле. Ой, чот изавам вурсен ыле! Тачат шарнем. 80 ияш улам гынат, тыгай верлан ньогала куаненам. Кеҥежым теве уныка-влак да нунын шочшышт толыт гын, йӱдвоштат модаш тӱҥалыт, очыни.

А.Байкова.

Авторын фотожо.

 

Йошкар-Ола,

Серов урем, 59-ше пӧрт.

Тел.: 40-91-40

         89177116964

Опубликовать в Одноклассники

Добавить комментарий