КУЧЕМ УВЕР

«Колыштман да мондыман огыл»

4 декабрьыште Александр Евстифеев сенатор-влакым Марий Эл Республикын оборонно-промышленный предприятийже-шамычлан полшаш йодын.

Федераций Советыште Регионын кечыже-влак жапыште обороно да безопасность шотышто комитетын «Марий Эл Республикын оборонно-промышленный комплексшым вияҥдыме пӱсӧ йодыш-влак» темылан пӧлеклалтше кумдаҥдыме заседанийже эртен.

Тудын пашашкыже республик Вуйлатыше Александр Евстифеев ушнен.
Мероприятийым комитет вуйлатыше Виктор Бондарев вӱден.

Заседанийыште Российын министерствыж ден ведомствыжо, республикын правительствыжын еҥже-влак, тыгак Марий машиностроительный,  Полупроводник прибор завод-влакын да «Технотех» компанийын вуйлатышышт лийыныт.

Шке докладыштыже Александр Евстифеев республикысе оборонно-промышленный комплексын пашаж, тиде отрасльыште вӱдышылан шотлалтше предприятий-влак нерген каласкален да гособоронзаказын кугытшо кӱлеш наре огыл улмылан кӧра нелылыкым шижмышт нерген ойлен. Тыгак нунын республикын консолидироватилыме бюджетышкыже налог отчисленийышт изи огыл улмым да республикын социально-экономически вияҥмашкыже пыштыме надырышт кугу манын палемден. Тыгодымак закупко иземмылан кӧра южо предприятийын финансово-экономический положенийже начаремме, а тыге гын, республикын пӱтынь экономикыжлан удам ыштымым, парыш шагалемме нерген ойлен.  

Заседанийыште республикын оборонно-промышленный комплексшын  предприятий вуйлатышыже-влак, Россий Обороно министерствын, РФ-н промышленность да торговльо министерствыжын, «Алмаз – Антей” концернын представительышт докладым ыштеныт.
– Регионлан моткочак неле, сандене полышым пуыман, а тыглай гына колыштман да вара мондыман огыл. Тушто, предприятийлаште, еҥ-влак улыт, да кажныжын ешышт уло. Шке мероприятийдам эртарыза да предприятий илен лектеш але уке манын ида вучо, – кумдаҥдыме заседанийын пашажым мучашлышыла каласен обороно да безопасность шотышто комитет вуйлатыше Виктор Бондарев.

Каҥашымашын иктешлымашыж дене келшышын, комитет Россий Федерацийын правительствыжлан икмыняр темлымашым ямдылен.

Л.Камалетдинова.

 

Опубликовать в Одноклассники

Добавить комментарий