КУЧЕМ УВЕР

Ешартыш окса кӱлеш

Марий Эл Республикыште пӱртӱс дене пайдаланыме да агропромышленный комплексым вияҥдыме дене кылдалтше пӱсӧ  кӱлешан йодыш-влакым 4 декабрьыште Федераций Советын аграрно-продовольственный политике да пӱртӱс дене пайдаланыме шотышто комитетын кумдаҥдыме заседанийыштыже каҥашеныт. 

Тушто республикын ялозанлык да продовольствий министрже Александр Гречихо, пӱртӱс поянлык, экологий да йырым-йырысе средам аралыме министр Владимир Шутов, кугыжаныш кучемын федеральный органже-влакын еҥышт лийыныт.

А.Гречихо палемден: республикын агропромышленный комплексше – регионын экономикыжын ик эн тӱҥ ужашыже. Марий Элыште 100 ялозанлык предприятий, 2060 кресаньык (фермер) озанлык ден индивидуальный предприниматель, 136 тӱжем личный подсобный озанлык, 241 кочкыш да перерабатыватлыше промышленность предприятий, 36 ялозанлык потребительский кооператив пашам ыштыме нерген каласен. Ик эн тӱҥ йодыш – яллашке канде тулым пуртымаш. Тидлан 2019 ийлан федеральный бюджет гыч 89,1 млн. теҥге ешартыш кугыт субсидий кӱлеш. Ойырымо тиде окса 2811 оралтыш газым пурташ, изи давлениян 76,6 километр утла газ сетьым пашашке колташ йӧным ышта.

Каҥашымаш деч вара комитет Россий Федерацийын да Марий Эл Республикын Правительствыштлан икмыняр темлымашым ямдылен.

Л.Камалетдинова.  

Опубликовать в Одноклассники

Добавить комментарий