УВЕР ЙОГЫН

«Кушкаш йӧнжӧ уло»

5 декабрьыште Федераций Совет председатель Валентина Матвиенко Марий Эл Вуйлатыше Александр Евстифеев да регионын Кугыжаныш Погынжын председательже Юрий Минаков дене вашлийын.

Мутланымашке Федераций Советыште Марий Элын кугыжаныш кучемжын исполнительный да законодательный (представительный) органже-влак деч представитель-влак Константин Косачев ден Наталия Дементьева ушненыт.

Валентина Матвиенко палемден: Федераций Советыште Регион-влакын кечышт – субъектлан федеральный кӱкшытыштӧ шке куатым ончыкташ йӧным пуышо авторитетный площадке.

– Марий Эл Республикын кечыже-влак дене келшышын, Федераций Советын комитетше-влакын чыла заседанийышт моткочак содержательный лийыныт, – каласен СФ вуйлатыше.

Ойлымыж почеш, национальный проект-влак кокла гыч эн шагалже пелыже регионлаште илышыш пурталтшаш улыт.

Александр Евстифеев СФ председательлан каласен: комитетлаште моткочак лектышан заседаний-влак эртеныт. Тушто регионым вияҥдыме эн пӱсӧ йодыш-влакым каҥашеныт да кӱлеш пунчалым луктыныт.

– Тыгодым мемнан чыла темлымашнам шотыш налыныт, – каласен Александр Евстифеев.

Валентина Матвиенко тыгак Федераций Советыште Марий Эл Республикын кечыже-влаклан пӧлеклалтше выставкым ончен савырнен.

– Республикын ончыкыжым экономически, промышленность да ялозанлык шотышто кушкаш йӧнжӧ уло, – палемден Валентина Матвиенко.

Л.Камалетдинова.

Опубликовать в Одноклассники

Добавить комментарий