КУЧЕМ УВЕР

Темлымым шотыш налыныт

3 декабрьыште Федераций Советын бюджет да финанс рынке-влак шотышто комитетын кумдаҥдыме заседанийыштыже регионласе бюджет-влакым тӧрештарыме дене кылдалтше йодыш-влакым примерлан Марий Эл Республикым налын каҥашеныт. Тиде вашлиймаш Российысе парламентын кӱшыл палатыштыже Регионын кечыже-влакым официально почын.

Каҥашымаш Федераций Советын комитет преседательже Сергей Рябухинын вуйлатымыж почеш эртен. Заседанийын пашашкыже республик вуйлатыше Александр Евстифеев, кугыжаныш кучемын федеральный органже-влакын да Марий Эл Республикын представительже-влак ушненыт.

Регионын бюджет системыжын могай улмыж нерген докладым финанс министрын сомылжым жаплан шуктышо Алексей Торощин ыштен. Палемдымыж почеш, кодшо ийлаште кугу кугыт кредит парым погынымлан кєра республикыште неле финанс ситуаций лийын. Кызыт парымым иземдыме шотышто паша ышталтеш.

Александр Евстифеев шке ойлымаштыже тыгак кӱлешан икмыняр йодышеш шогалын.

– Йӧн дене пайдаланен, нацпроект дене кылдалтше йодышлан тӱткышым ойырынем. Тудо 44-ше федеральный закон дене кылдалтын. Тушто нацпроект-влак шотышто йодмашым пуэн кертше-влакын критерийышт палемдалтын. Мый тудын шотышто улшо да палемдыме пропорцийым вашталташ йодам, – каласен тудо.

Тыгак республик вуйлатыше расходный материал-влакын, мутлан, тыгыде кӱн, сезонный акыштым волташ темлен.

Марий Эл Республикын темлымашыже-влакым сенатор-шамыч радамлын каҥашеныт, тыгодым бюджет кокласе кылым саемдыме шотышто пашам умбакыже шуяш кӱлмым палемденыт.

Эн кӱлешан темлымаш-влак Федераций Советын профильный комитетшын пунчал проектышкыже пурталтыныт.   

Л.Камалетдинова.

 

Опубликовать в Одноклассники

Добавить комментарий