КУЧЕМ УВЕР

Бренд-влакым умбакыжат «шӱкыман»

3 декабрьыште Федераций Совет Председатель Валентина Матвиенко Советын интеллектуал собственность йодыш-влак шотышто «Россий Федерацийын субъектлаштыже интеллектуал собственность институтым вияҥдыме йодыш-влак» теме дене заседанийым эртарен.

Тушто «регионласе бренд-влакым» умбакыжат «шӱкаш» кӱлмӧ нерген мутланеныт. Валентина Матвиенко палемден:

– Тиде регионласе ойыртемалтше производствым арален кодаш веле огыл, тыгак тўрлє кўкшытан бюджетыш, а эн ончычак верысе казнашке, парышым ешараш полша.

Ойлымыж почеш, эше идалык ончычак Федераций Советын чыла еҥже-влаклан идалык жапыште эн шагалже кок брендым регистрироватлаш кӱштымӧ.

– Тиде каласымым мый посна контрольышто кучем. Икымше лектыш-влак палдырнат. Но тиде тӱҥалтыш веле. Ты паша умбакыже шуйнышаш. Тиде йодышым формальный семын веле аклыман да регионлан экономически  вияҥашыже полшышо кугу йӧным мучыштарыман, тудын дене пайдаланыде кодман огыл, – ойлен Валентина Матвиенко.

Мероприятий тӱҥалме деч ончыч Федераций Советын фойештыже «Регионласе бренд-влак – йоча-шамычын шинчашт дене» выставке ончыкталтын.

Л.Камалетдинова.

Опубликовать в Одноклассники

Добавить комментарий