СОЦИАЛЬНЫЙ ИЛЫШ

Эртыше арня мом ончыктен?

19 гыч 25 ноябрь йотке, идалыкын 47-ше арняштыже,  Марий Элыштына пӱсӧ шоло инфекциян чер дене черланыме 85 случайым регистрироватлыме, тидыже пытартыш икмыняр ий деч 2,4 процентлан шагалрак. Чер 14 ияш марте 61 (71,8%) йочам авалтен. Тудо поснак Параньга, Медведево районлаште да Йошкар-Ола ден Козьмодемьянск олалаште палдырнен.

ОРВИ дене черланыме 2569 случайым регистрироватлыме, тиде показатель кодшо ий тыгаяк жап деч 1,9 процентлан кугурак. Черланыше-влак коклаште 14 ияш марте  1773 (69%) ӱдыр-рвезе-шамыч улыт.

Тыгак верге синдроман геморрагический йӱштымужо дене черланыме 14 случайым регистрироватлыме. Тиде чер Йошкар-Олаште, Медведево, Советский, Волжский, Звенигово, Марий Турек да Морко районлаште илыше-влакым авалтен.

Скарлатина дене чылаже 14 икшыве черланен: Йошкар-Олаште – 5, Морко районышто – 2, Звенигово да Медведево районлаште – 1 дене.

Шедыра дене черланыме 106 случайым регистрироватлыме, тышечын 96 еҥже – 14 ияш марте йоча.

Йошкар-Олаште 1 еҥ пудий боррелиоз дене черланен.

Тий 6 еҥым авалтен. Педикулёз дене 1 кугыеҥ да 5 йоча черланеныт.

М.ИВАНОВА.

Опубликовать в Одноклассники

Добавить комментарий