СОЦИАЛЬНЫЙ ИЛЫШ

Клоун-влак эмлат

1 декабрьыште Республикысе изобразительный искусство тоштерыште ойыртемалтшын вияҥше йоча-влаклан клоунотерапевтический представлений лиеш. Тиде мероприятий «Музей чылалан!» всероссийский инклюзивный акций кышкарыште эрта. 

Тоштерыш толшо йоча ден ача-ава-шамычлан Йошкар-Оласе «Зеркало» йоча да юношество мер организаций эмлымверысе клоун-шамычын представленийыштым ончыкта, тыгак пластилинографий дене мастер-класс лиеш.

Тазалыкыште экшык улман, неле черан йоча ден подростко-влаклан палемдалтше клоунотерапий тӱнямбалсе шуко элыште кумдан кучылталтеш. Эмлымверысе йоча отделенийлаште клоун-влакын улмыштым элнан вӱдышӧ медицине тӧнежше-шамыч пайдале терапийлан шотлат.

М.ИВАНОВА.

  

Опубликовать в Одноклассники

Добавить комментарий