СОЦИАЛЬНЫЙ ИЛЫШ

Кӱзыктеныт, кок пачаш наре

2009 ийыште пытартыш индексацийым ыштыме деч вара Российыште пашадымылык шотышто пособийын кугытшым вашталтыме.

Россий Федераций правительствын 15 ноябрьыште 1375-ше №-ан пунчалже дене келшышын, пашадымылык шотышто пособийын эн изи кугытшо 1500 теҥге марте кӱзен, эн кугужо – 8000 теҥге марте. Тымарте тудо 850 да 4900 теҥге лийын.

Пенсий деч ончычсо ийготан россиян-шамычлан пашадымылык шотышто пособийын эн кугу кугытшым 11 280 теҥгем ыштыме, увертара Марий Эл Республикын Паша да калыклан паша верым ситарыме департаментше.

М.ИВАНОВА.

Опубликовать в Одноклассники

Добавить комментарий