КУЛЬТУР ДА ИСКУССТВО

Капелле сеҥымаш дене пӧртылын

19 гыч 25 октябрь марте Озаҥ олаште С.В.Смоленский лӱмеш духовой музык фестиваль шымше гана эртен.

Тудо XIX-XX курымлаште музык аланыште чапланыше деятель, педагог Степан Васильевич Смоленскийын шочмыжлан 170 ий теммылан пӧлеклалтын.

Фестивальыш Марий Эл гыч А.Искандаров лӱмеш Марий кугыжаныш капелле (вуйлатышыже  – Александр Качуев) миен.

Мероприятий жапыште Озаҥ оласе веле огыл, Лозанна (Швейцария), Санкт-Петербург, Ижевск, Тольятти олаласе коллектив-влакын концертышт, тыгак хор да ансамбль-влакын конкурсышт эртеныт. Концерт программыште да конкурсышто руш да йот классике, духовой сочинений, тӱнямбалсе калык-влакын мурышт, кызытсе автор-влакын музыкышт йоҥгеныт.

Фестиваль гыч капелле лауреатын дипломжо дене пӧртылын.

А.Байкова. 

Опубликовать в Одноклассники

Добавить комментарий