УВЕР ЙОГЫН

Манеш-манешын капка меҥгыже шӧрын каен…

Шукын пайдаланыме WhatsApp мессенджерыште пытартыш кечылаште тыгай увер шарлен: пенсионер-шамычлан пуйто 720 теҥге кугытан выплате лийшаш. Аудиообращенийын авторжо-шамыч выплатым оформитлышашлан Пенсий фондыш толаш ӱжыт.

Россий Пенсий фондын Марий Элысе пӧлкаже увертара: тиде шояк увер. Лийын кертдыме выплате да пенсийыш ешартыш нерген увер Интернетыште да тӱрлӧ мессенджерыште жапын-жапын волгенчыла писын шарла. Тыгай годым граждан-влаклан иктым гына темлаш кодеш: Россий Пенсий фондын сайтыштыже да Пӧлкан официальный группыласе соцсетьлаштыже (facebook, vkontakte, twitter) улшо уверлан гына ӱшаныза.

Ушештарена, 2018 ийыште пашам ыштыдыме пенсионер-влакын страховой пенсийыштым 1 январь гыч индексироватлыме, социальный пенсийым – 1 апрель гыч, тыгак пашам ыштыше пенсионер-шамычын пенсийыштым 1 август гыч угыч шотлымо. Закон почеш ешартыш выплате уке.

Россий Пенсий фондын Марий Элысе пӧлкажын «шокшо линий» телефонжо: 8-800-100-16-80.

М.ИВАНОВА

Опубликовать в Одноклассники

Добавить комментарий