ПӰСӦ ЙОДЫШ

Звенигово молан ӱпша?

Эше февральыштак Провой кундемыш командировко дене лекташ тарваныме деч ончыч ик палымем деч районысо увер-аҥарым умылкалышым: мом-кӧм мокталтен возаш лиеш але изишак шылталаш кӱлеш… Район илыш дене палдарымыж гыч Звенигово оласе калыкын канализаций коллекторын локтылалтмыжлан кӧра ынде ятыр ий орланымыжым кугу проблеме семын аклышым да тудым шке шинчам дене ужаш шонен пыштышым. Звенигово олаш мийымеке, […]

ТРАНСПОРТ

Ынде чыла машина пурен кертеш

Марий Элысе ОНФ-ын чолга еҥже-влакын тыршымышт дене Звенигово районысо Мочалище посёлкын рӱдӧ уремысе кугорныжым лум да ий деч эрыктеныт.  Корнын лум лапашыш савырнымыже, тидлан кӧра продуктым шупшыктышо машинан кевытыш, мусоровозын шӱкшакым погымо площадкыш, моло техникын социальный объектлаш пурен кертмышт шотышто вуйшиймашым ОНФ-ыш верысе-влак возеныт, тиде фактым фото дене пеҥгыдемденыт. «Тиде сигналым ОНФ шотыш налын да […]

ПЕНСИЙ СОЦИАЛЬНЫЙ ИЛЫШ

Титаканже… шошо вӱдшор

Пенсийым пуымо графикыш лачшымак тудо вашталтышым пуртен. Шошо толмо, корнысо лум, ер ден эҥерласе ий шулымо да вӱд шарлыме дене Марий Элысе южо кундемыш корно йӧршын гаяк петырна. Тидлан кӧра пенсионер-шамыч окса деч посна ынышт код манын, Российын почтыжо апрельыште пенсийым тӱлымӧ графикым вашталтен. Тудын дене келшышын, Звенигово районысо Липша почто кылын пӧлкаже 5, 7 […]

УВЕР ЙОГЫН

Самырык-влак, толза!

Таче Йошкар-Оласе Калыклан паша верым ситарыме рӱдер самырык-шамычлан вакансий ярмиҥгам эртара. Пашадыме-влакым Самырык-шамычын полатыштышт (Зелёный урем, 1-ше пӧрт) 13 шагатлан вучат. Можым-кузежым тыгак 42-94-63 номеран телефон дене рашемдаш лиеш. М.ИВАНОВА

ТАЗАЛЫК

Мӱндыр кундемат лишыл лиеш

Республикысе йоча клинический эмлымвер 13 веран ГАЗель Next у автобусым налын. Врач бригаде йоча-влаклан диспансеризацийым эртараш районлашке тылзеш кок гана деч шагал огыл лектеш. Тошто дене таҥастарымаште у автомобиль палынак йӧнан, сандене специалист-шамычлан республикысе тора районлашкат, Марий Эл деч ӧрдыжкат лектын кошташ каньыле лиеш. М.ИВАНОВА. Фотом Марий Элын Тазалыкым аралыме министерствыжын сайтше гыч налме.

ТАЗАЛЫК

Тергалт да ласкан иле

Кажне ийын 24 мартыште Туберкулёз ваштареш кучедалме тӱнямбал кече палемдалтеш. Тудын дене келшышын, диспансерыште регионысо кумылан чыла еҥым тылзе мучко флюорографий йӧн дене яра шымлыме, кӱлмӧ семын консультацийымат эртарыме.  Айдеме тукымын илыме пагытыштыже ужармужо (туберкулёз) жапын-жапын толын лекше шучко эпидемий семын палдырнен. Тиде чер нужнамат, поянымат, Максим Горький, Илья Ильф, Александр Грин, Николай Добролюбов, Виссарион […]

УВЕР ЙОГЫН

Йӧратыме канал ок йом

Пытартыш жапыште Марий Элын Социальный вияҥмаш министерствышкыже цифровой приставкым налме шотышто йодын толшо палынак шукемын. Тидын дене келшышын спутник телевиденийын каналже-влакым кучышо оборудованийым але цифровой эфир телевиденийын каналже-шамычым кучышо телевизионный приёмникым налме роскотлан компенсацийым ойырымо радамым умылтарена.   2019 ий июнь гыч Марий Эл тичмашнек цифровой эфир телевещанийыш кусна. Тудын полшымыж дене калык йӱк да сӱрет […]

ПӰСӦ ЙОДЫШ

Тиде корно чылалан кӱлеш

«Газетдан вийже уло гын…» Кодшо ий ноябрь тӱҥалтыште Медведево районысо Шеклянур ял гыч Йошкар-Олашке паша дене толшо А.Комарова, М.Бабина да Т.Тарасова  дене «Марий Эл», тыгак «Сурт-пече» газет-влак нерген мутланаш йӧн лекте. Рӱдола деч 20 наре километр коклаште верланыше, рушаҥаш тӱҥалше кундемыште илыше тӱрлӧ ийготан ӱдырамаш-шамыч тӱҥ шотышто марла мутланат, жапын-жапын Шкетан лӱмеш марий национальный драме […]

СОЦИАЛЬНЫЙ ИЛЫШ

Лум вӱд лӱдыкта

Марий Элысе ОНФ Пӱртӱсым аралыме марий межрайонный прокуратурыш Йошкар-Оласе Эшкинин уремыште кужун чоҥалтше ик пӧрт воктек лавыран лумым шупшыктымым контрольыш налаш йодын. ОНФ-ын еҥже-влак шошым лум вӱдын воктенак верланыше 3-шо №-ан йоча поликлиникын подвалышкыже да Изи Какшаныш йоген пурымыж деч лӱдыт. Общественник-шамыч Эшкинин уремысе 2-шо №-ан пӧртыштӧ илыше-влакын вуйшиймашыштым тергеныт да кок метр кӱкшытан савар […]

СОЦИАЛЬНЫЙ ИЛЫШ

Иктылан – патент, весылан – лицензий

Тений март гыч Россий законодательствыш икмыняр у законым пуртымо. Нуно тӱҥ шотышто пенсионер, автомашина дене шупшыктышо да чоҥышо-влак дене кылдалтыныт. Аварийно-утарыше службын пашажымат шотыш кондаш палемдыме. У закон дене келшышын, шке мландыште пӧртым чоҥаш шонышо-влак тидын дене верысе администрацийым палдарышаш улыт. Рашемденрак каласаш гын, гражданин чоҥаш тӱҥалме, тиде пашам мучашлаш да оралтым регистрироватлаш шонымо жапшым […]