ЮРИСТ УМЫЛТАРА

Школ налшаш огыл мо?

Школышто ача-ава-влакын погынымаштышт класс вуйлатыше ача-ава-шамычлан шергакан паша тетрадьым шкаланна налаш кӱлеш манын увертарен. Закон почеш тыгак лийшаш мо? С.Моисеева Йошкар-Ола.  — «РФ-ште образований нерген» федеральный закон почеш, кугыжаныш федеральный образовательный школ деч ончычсо, тӱҥалтыш общий, тӱҥ общий да кыдалаш общий стандарт-влак дене келшышын, кажныже оксам тӱлыде тунем кертеш. Ты закон денак келшышын, федерал бюджетын, […]

ЮРИСТ УМЫЛТАРА

Пайрем пайрем дене

Пайрем кече-влак отпускын календарьысе кече радамышкыже пурталтыт мо? А.Петров Медведево посёлко. — РФ Паша кодексын 120-шо статьяж дене келшышын, кажне ийын пуымо тӱлыман отпуск жаплан пайрем кече-влак логалыт гын, нуно отпускын календарьысе кече радамышкыже огыт пурталт. С.НОСОВА

ЮРИСТ УМЫЛТАРА

Виеш огеш лий

Йодыш-влаклан Марий Эл Республикысе исправительный учрежденийлаште законым шуктымым эскерыме шотышо Йошкар-Олан прокуроржо Евгений Молчанов вашештен. Образовательный школын тунемшыже-влакым тусо пӧлем ден кумдык-влакым эрыктыме пашашке ушаш лиеш мо? И.Кутюбаев Йошкар-Ола. — РФ Конституцийын 37-ше статьяж дене келшышын, паша эрыкан. Кажне еҥ шке моштымашыж дене келшышын, тудым ыштен кертеш. Виеш пашам нигӧ нигӧмат ыштыктен огеш керт. Тыгайракак […]

КАЛАСЕ, "МАРИЙ ЭЛ"

Вес тӱняш ужатыше йӱыш…

Спиртан йӱышым йӱын, илыш дене чеверласыше-влак республикыште улыт мо? Н.Зверев. Йошкар-Ола. Судебно-медицине экспертизе бюрон увертарымыж почеш, кодшо ийын Марий Элыште спиртан йӱышым йӱмылан кӧра 164 еҥ аярген. Тышеч 133 еҥже илыш дене чеверласен.  Тулеч ончычсо ий дене таҥастарымаште аяргышыже 171 лийын гын, илыш дене чеверласышыже — 135. Тӱҥ шотышто аяргыме случайже этанолан йӱышлан кӧра лийын. […]

КАЛАСЕ, "МАРИЙ ЭЛ"

Вашталтыш лийын

Тений гыч налог службылан больничныйыште лиймылан окса шотышто справкым социальный страхований фондыш шке миен налман маныт. Чын мо? А.Кириллова.  Советский район. Тений гыч Марий Элыште «Прямые выплаты» пилотный проект илышыш шыҥдаралтеш. Жаплан пашам ыштен кертдыме да ава лийме дене кылдалтше случай годым пособийым ынде Марий Элыште Социальный страхований фонд пашам ыштыше граждан-влакын лицевой счётышкышт вигак […]

МАРИЙ ТӰНЯ

Шочмыжлан — 110

26 январьыште Санкт-Петербургысо Келшымаш пӧртын кугу конференц-залыштыже «Четкарёв лудмаш» кугу мероприятий эртышаш. Тудо лӱмлӧ марий шанчыеҥ Ксенофонт Архипович Четкарёвын шочмыжлан 110 ий теммылан пӧлеклалтеш. Лудмашым Ленинград областьысе марий-влакын «Ший корно» калыкле-тӱвыра автономийышт эртара. К.Четкарев марий-влак кокла гыч гумманитарный наукышто учёный кандидатын степеньжым ик эн ончыч налын. Тудо этнографийым, фольклорым, сылнымутым, религийым шымлен, писатель семынат палыме […]

КРАЕВЕДЕНИЙ

Эртышым рашемдаш манын пургедыт

Шукерте огыл Историй да археологий тоштерыште «Марийская археология: на пути к открытиям» у ончер почылтын. Вигак каласыман, ончер пеш поян да марий археолог-влакын пытартыш ийлаште эртарыме пургедме пашаштым иктешла манашат лиеш. А пургедыт нуно мемнан дене веле огыл, республик деч єрдыжтат. Пытартыш экспедицийла гыч кондымо мумо арверже икымше гана веле эше ончыкталтыт. Каласен кодыман, тачысе […]

УВЕР ЙОГЫН

Пытартыш корныш ужатеныт

Москваште публицист, мер пашаеҥ, Моско олаште марий землячествым ыштыше марий чолга еҥ Юрий Иванович Ерофеев дене чеверласеныт да тудым пытартыш корныш ужатеныт.  Шке жапыштыже тудо наций-влак коклаште тыныслыкым да келшен илымашым пеҥгыдемдымыжлан Москва Правительствын Шӧртьнӧ почётный палыж денат палемдалтын. Кужу жап СССР КГБ-н аппаратыштыже пашам ыштен, КГБ-н Марий Элысе управленийжым вуйлатен, РФ Президент пелен  республикын […]

УВЕР ЙОГЫН

Кылмыме олмеш, вӱд шулен да модын…

Тений пӱртӱс Крешеньыланат ӧрыктарыш. Метеоролог-влакын палемдымышт почеш, пытартыш 68 ийыште тыгай лийын огыл ыле: Российын кугу ужашыштыже леве шоген. Марий Элыште гын Крешене йӱдым кок градус леве лийын.  Синоптик-влакын ойлымышт почеш, шушаш арняштат тыгаяк леве шогаш тӱҥалеш. Игечын койышыжланак кӧра Крешене вӱдышкат чыла вережак пураш йӧн лийын огыл, молан манаш гын эҥер ден ерласе ий […]

ӰДЫРАМАШ КОРНО

Юмым сӱретлен, да тудо омыштыжо кончен

Южо айдемым ончен ӧрат. Могай тудо чулым да чолга! Ыштен шуктыдымо пашажат уке дыр, шонет. Морко район Изи Шӱргӧ ялыште илыше Елена Константинова лач тыгай. Тиде ӱдырамаш ласкан канен шинченжат огеш керт докан. Шканже эре могай-гынат сомылым муэш. Тиде ӱдырамашлан ятыр моло сомыл дене пырля Юмо ик эн чотшо сӱретлаш да тӱрлаш усталыкым пуэн, коеш. […]