УВЕР ЙОГЫН

Пӱртӱс айдеме деч виянрак

  Йоча да юношеский книга арня кышкарыште Звенигово илем-влак кокласе библиотекыште оҥай мероприятий эртен. Книгагудо пашаеҥ-влак Звенигово лицейын 1-ше «Б» да 3-шо «А» класслаштыже тунемше ӱдыр-рвезе-шамычым марий йомакын юзо тӱняшкыже «наҥгаеныт». Корнышто йомакче кова Чодыра-кува нерген каласкален да чодырашке уна семын пураш темлен. Йоча-влак тушто Вувер-кувам вашлийыныт. Тудыжо нунылан туштым туштен, куштымо марий сем почеш […]

Кучемыште

Тичмашын да кумдан эртышаш

Марий Элым вуйлатыше Александр Евстифеев тазалыкым пеҥгыдемдыме йоча лагерьыш путёвкын акшым субсидироватлаш кӱштен. «Мемнан тачысе задачына – тазалыкым пеҥгыдемдыме кампанийыш утларак йочам ушаш, сандене тиде полышым изи доходан еш-шамычлан пуаш кӱлеш», – 2021 ийысе кеҥеж кампанийлан ямдылалтме йодыш шотышто совещанийыште манын тудо. Тыгодым регионым вуйлатыше лагерьысе чыла пашаеҥын кеҥеж марте вакцинироватлыме лиймыштлан поснак кугу тӱткышым […]

КАЛАСЕ, "МАРИЙ ЭЛ"

Тергалтыт але уке?

Палынем ыле, йот элла гыч пӧртылшӧ-влакым у коронавирус инфекциян лийын кертмышт шотышто тергат мо? О.Глушкова Йошкар-Ола Йодышлан Роспотребнадзорын Марий Элысе виктемжын пресс-службыштыжо тыге вашештеныт: – Виктемысе мониторингын ончыктымыж почеш, йот элла дене авиасообщений-влакым угыч ыштыме деч вара Марий Элыш 6837 граждан пӧртылын. Ты чот гыч 6234 еҥ анкетированийым Кугыжаныш услугын единый порталыштыже эртен. 6521 еҥ […]

ПЕНСИЙ

Шийвундым ешарат

Марий Элыште илыше 17 тӱжем пенсионер 1 апрель гыч кугурак пенсийым налаш тӱҥалеш. Тиде жап гыч социальный пенсийым 3,4 процентлан индексироватлат. Ушештарена: социальный пенсийым страховой пенсийлан правам налдыме еҥ-влаклан тӱлат. Тиде радамыш I, II да III группо инвалид, инвалид йоча, ача-аваж кокла гыч иктыжым але когыньыштымат йомдарыше да ача-аважым палыдыме йоча-шамыч пурат. I группо инвалид […]

УВЕР ЙОГЫН

Турист ден пассажир-шамычлан

Российыште «Лӱдыкшыдымӧ туризм» программым илышыш пуртымо кышкарыште турист ден пассажир-влаклан полшымо «шокшо линий» пашам ышташ тӱҥалын. Тидын дене келшышын, туризм дене кылдалтше чыла йодышым кажне кечын 10 гыч 18 шагат марте 8-800-250-68-60 телефон дене стационар да мобильный номерла гыч чылт яра рашемдаш лиеш. «Шокшо линий» полшымо дене граждан-влак турист ден пассажир-шамычын правашт, нуным аралыше орган-влак […]

ТАЗАЛЫК

Окса уло гын, эмжат лиеш

Тений икымше кварталыште Марий Элыште 2673 еҥ шӱм-вӱргорно чер дене черланен. «Здравоохранений» национальный проектын «Шӱм-вӱргорно чер дене кучедалмаш» регионысо проектшым илышыш пуртымо кышкарыште республикна тиде тӱшкаш логалше пациент-влаклан эмлыме препаратым ситарашлан федеральный субсидийым идалык мучко налын. Диспансер учётышто шогышо пациент-влакын шӱм-вӱргорно черышт вияҥме да нелемме деч профилактикылан федеральный бюджет гыч 69,9 млн. теҥгем колтымо. Виян, […]

ТАЗАЛЫК УВЕР ЙОГЫН

Вияҥаш тӱҥалме йыжыҥыштак рашемда

«Здравоохранений» национальный проектын «Онкологический чер дене кучедалмаш» национальный проектшым илышыш пуртымо кышкарыште Республиканский клинический больницын эндоскопический отделенийышкыже кок видеогастроскоп ден видеобронхоскопым шынденыт. Оборудований-влакын чумыр суммышт 8,8 млн. утла теҥгеш шуын. Палемдыме оборудований-шамычын полшымышт дене вӱргорнын, капиллярын да тазыла чоран тыгыде структурыштым ужаш, эн изи вашталтышым вияҥаш тӱҥалме йыжыҥыштак рашемдаш лиеш. Технологийын клиникыже ракым верештме да […]

ТАЗАЛЫК

Эше 60 койкым кораҥдыме

Марий Элысе медицине организацийлаште у коронавирус инфекций дене черланыше-влаклан полышым пуымо эше 60 койкым кораҥдыме. Тыге, Йошкар-Оласе больницыште 40 койкым, Марий Турек ден Звенигово районлаште 10 койко гыч петырыме. Таче коронавирусан пациент-шамычлан регионысо шым медицине организацийыште 446 койко пашам ышта. Тыгодым экстренный, хирургический, акушерский, неонатологический да гинекологический полышым Медведево районысо рӱдӧ эмлымвер гына пуа. М.ИВАНОВА […]

ТАЗАЛЫК

Ынде тӱвыра полатыштат ыштат

Марий Элыште у коронавирус инфекций деч вакцинаций умбакыже шуйна. 30 март йотке республикышкына Гам-КОВИД-Вак («Спутник-V») вакцинын 30792 дозыжым кондымо. Тудым регионысо поликлиникылашке шеледен колтымо. Тымарте 21952 еҥ у коронавирус инфекций деч прививкым ыштыктен. Прививке кампанийым эшеат вияҥден колташ манын, Йошкар-Олаште вакцинацийым эртарыме куснылшо пункт-влакым почыныт. Мутлан, Сеҥымашын ХХХ идалыкше лӱмеш тӱвыра полатыште таче гыч 1-ше […]

КУЛЬТУР ДА ИСКУССТВО

«Ышташ – тугеже илаш!»

Калык кидмастар тоштерыште «Ышташ – тугеже илаш!» экспресс-ончер почылтын. Тудо 3 апрель марте пашам ышта.   Уш дене ойыртемалтше, ты шотыштак республикнан интернат тӧнежлаштыже илыше еҥ-влакын усталык паша ончерыштым Инвалид ден инвалид йоча-шамычын ача-аваштын «Отражение мира» регионысо мер организацийышт ямдылен. Начар тазалыкан еҥ-влаклан декоративно-прикладной искусство да калык ремесло дене заниматлалташ йӧнанрак, вет тыште пашалан келшыше […]