Подписке

Пагалыме марий родо-влак!

«МАРИЙ ЭЛ» газет у деч у уверым, оҥай деч оҥай статьям, сылнымутым лудаш темла. Журналист-влак марий кундемнан кажне гаяк районыштыжо изи ма кугу ялышкыже, Россий мучко марий-влакын тӱшкан илыме кундемлаш вашка, тушто илыше-влак дене палдара, нунын пашаче кумылыштым, шочмо марий йӱлам арален моштымыштым почын пуа. Газет страницыштына юристын, психологын, медицине пашаеҥ-влакын ой-каҥашышт лиеш. Культурышто, спортышто ойыртемалтше еҥ-влак нергенат возена. Ялысе бизнесъеҥ, ялозанлык пашаеҥ-влакын сомылышт кузерак вияҥеш? Марийым мо тургыжландара? Марий юмыйӱланам кузе аралыман? Нине да ятыр моло йодышлан верым муына. Оҥай увер дене теат, йолташ-влак, палдарен кертыда. Лийза мемнан дене пырля! 

«СУРТ-ПЕЧЕ» газетыште озаватылан, суртозалан, пакчазылан ятыр ой-каҥашым пуэна. А теве кидмастар-влак нерген материалым эре гаяк тӱрлӧ кундем гыч темлена. «Марий тӱня» рубрике дене лекше увер-влак — Российысе регионлаште илыше марий-влак нерген.

Электрон подписке

Газетым PDF-формат дене электрон адресышкыда колтена.

Пел ийлан ак: «Марий Эл» – 400 теҥге, «Сурт-пече» — 200 теҥге.

Идалыклан ак: «Марий Эл» – 700 теҥге, «Сурт-пече» — 350 теҥге. Оксам  Сбербанк картыш колтыман (№ 4276370019927405) да лӱмдам, ачалӱмдам, фамилийдам, кунам да мыняр оксам пыштыме нерген уверым тыгай адрес дене колтыман: otvetsekmariel2013@mail.ru

 

«Марий Эл» ден «Сурт-пече» газет-влаклан Россий почтын «Подписка-онлайн» лаштыкыштыже, почто отделенийыш кайыде, интернет гоч возалт кертыда. Тыге те ача-авалан, родо-тукымлан пӧлекым ышташ сай йӧн.