УВЕР ЙОГЫН

Пашам тавалаш мо чаракла?

23 октябрьыште Марий ден Виче кугыжаныш университет-влак Деловой рӱдерын Шолшо точкыштыжо пашам пуышо ден СМИ-н еҥже-влаклан пресс-ланчым эртареныт. Тушто вузын тазалыкыште экшык улман выпускникше-влакын паша рынкыште конкурент семын тавален кертмыштым вияҥдыме йодышым лончыленыт.

Пресс-ланчын программыж дене келшышын, спикер-шамыч пӱсӧ йодышлан пӧлеклалтше выступленийым ыштеныт, поснак тазалык шотышто экшык улман выпускник-шамычын паша рынкыште тӱкнымӧ ситуацийышт, социальный стереотип, СМИ-н тыгай еҥ-шамыч шотышто калыкын шонымашыжым ыштыме нерген ойленыт. Вара вуз-влакын, СМИ ден тиде кундемыште пашам пуышо-шамычын пашам пырля да сайын ыштымышт дене палдареныт.

Пресс-ланч кышкарыште тыгак эрыкан ӱчашымаш лийын. Тушко организатор ден спикер-влак веле огыл, студент-волонтёр, тазалык шотышто экшык улман выпускник-шамычат ушненыт. Мут толмашеш, Марий кугыжаныш университетын магистрантше Анастасия Ефимович Марий Эл Республикын профессиональный шинчымашым пуышо тӧнежлаштыже тунемше тазалык шотышто экшык улман студент-влаклан йӧнан социально-психологический условийым ыштымылан виктаралтше проектше дене палымым ыштен.

М.ИВАНОВА.

Опубликовать в Одноклассники

Добавить комментарий