УВЕР ЙОГЫН ФИНН-УГОР ТӰНЯ

Финн-угор калык-влакын киношт

30 октябрь гыч 2 ноябрь марте Комиште, Сыктывкар олаште,  финн-угор калык-влакын кинофестивальышт кокымшо гана эрта. Тудо Комиште тӱвыра идалыклан пӧлеклалтын. Мероприятийыш Венгрий ден Эстоний гычат кинодеятель-влак мият. 

Эстонийын делегацийжым Москваште Эстоний посольствын тӱвыра йодыш шотышто советникше Д.Миронов вуйлата. Фестивальыште Эстонийын Кино институтшын директоржо Э.Сепп эстонийысе кинематографийын историйже нерген каласкала. Венгр-влакын киноискусствышт дене  Метрополитен-университетын преподавательже, кинорежиссер Д.Эрдейи палдара.

Мероприятий жапыште финн-угор калык-влак нерген каласкалыше тӱрлӧ фильмым, мультфильмым ончыктат, тыгак «Моя КИНОлетоРЕАСЕ- 2018», «В ракурсе закона»  любитель-влакын ямдылыме видеоролик конкурслаштышт сеҥыше-влакым саламлат.

Л.ШАБДАРОВА.

Опубликовать в Одноклассники

Добавить комментарий