Республикысе кугорныла воктенысе чодыраш пураш куштылгырак лиеш…
Марий Элын Пӱртӱс поянлык, экологий да йырым- йырысе средам аралыме министерствыштыже шукерте огыл эртыше совещанийыште лач ты шотышто йодышым каҥашеныт. Тушко лесничестве вуйлатыше, арендатор-влак ӱжалтыныт. Тушто регионышто верланыше чодыра фондын кумдыклаштыже санитарно-тазаҥдыме мероприятий-влакым эртарыме нерген мутланеныт. Тыгай пашам тӱҥалме деч ончыч лесопатологический шымлымашышым эртараш кӱлын. Тдым май гыч тӱҥалын, октябрь марте ыштеныт. Тыгак санитарный руымашым эртарышашлык кумдыкым палемдыме, калыклан пум ситарыме шотышто йӧрлшӧ пушеҥге-влакым кораҥдыме паша эртаралтын. Министр Владмир Шутовын кӱштымыж почеш, лишыл жапыште арендатор-влак кугорныла воктенысе кумдыклаште чодырам эрыкташ пижшаш улыт.
С.Носова.
