Йошкар-Олаште 20 октябрьыште марий подкогыльлан памятникым почыт.
Тыгай шонымашым «Теплая речка» трактирын озаже-влак илышыш шыҥдараш пижыныт. Памятникым верысе апшат-влак ямдылышаш улыт.
Тиде событийжым трактирын кум ияш лӱмгечыжлан келыштареныт. Ты кечын тушко мийыше-влакым кугу пайрем вуча. Тамле кочкыш дене пырля кумылым нӧлтышӧ програме, тӱрлӧ конкурс, куштымаш лийыт.
Мутат уке, уна-влакым сийылыме эн тӱҥ кочкышыжо подкогыльо лиеш. Оганизатор-влак пайремлан эн кугу подкогыльым, тӱнямбал рекордым ышташ сӧрат. Тудын кугытшо 60-70 сантиметр лийшаш.
С.Носова.
М.Скобелевын фотожо.
