«ЛУКОЙЛ-Волганефтепродукт» ООО-н тений эртарыме социальный да тӱвыра проект конкурсыштыжо Марий Эл гыч кум комммерческий огыл организаций сеҥышыш лектын.
Нунын коклаште «Розовый одуванчик» самырык-влакын экологий мер организацийышт, «Добрая республика Марий Эл» медиапроект ден социальный инициативе-влакым вияҥдыше региональный мер организаций да У Торъял районысо Тошто Торъял школ. «Розовый одуванчик» организаций «Лукойл» дене пырля «Экологий школым» эртарышаш. Кокымшо организацийже «Пространство Dobro.Live» проектлан пижын. А теве Тошто Торъялын тунемшыже-влак «Инженер лиям» проект дене пашам ыштат.
Чылаже конкурсыш уло Россий гыч 367 проект темлалтын. Марий Эл гыч шым йодмаш лийын. Окса полышым 57 организацийлан ойыреныт. Нунын тыршымышт дене регионлаште тӱрлӧ социальный учрежденийын верланыме кумдыкшым тӱзатат, спорт ден модыш площадке-влакым ыштат, икмыняр ончерым, фестивальым, йоча концертым эртарат, кружок ден образовательно-просветительский программым почыт. Но чыла тӱҥалме пашажат верысе калыкын илышыжым саемдымашке виктаралтын.
С.Носова.
