2008 ийыште «Каче-влак» группо икымше гана сценыш лектын. Жап эртыме семын весела, чоным куандарыше муро дене ты коллектив калыкын пагалымашыжым сулаш тӱҥалын. А тений «Каче-влакын» изирак лӱмгечышт. Нунылан — 10 ий.
Изирак лӱмгечыштлан «Каче-влак» группо 28 октябрьыште В.И.Ленин лӱмеш культур полатыште концертым эртара да марий мурым йӧратыше-влакым пырля канаш ӱжеш.
Пайрем касым тыгак Россий Федерацийын сулло коллективше, мурышо да куштышо «Марий памаш» фольклор ансамбль, «Вената» дуэт, мурызо-влак Светлана Яндукова, Влад Николаев, Лариса Сидоркина, Татьяна Соловьёва, Сергей Пакеев да Михаил Веселов сӧрастараш полшат.
— Концертыш мемнан дене пырля канаш толшо-влаклан сылне сем, у муро деч посна шуко сюрпризым ямдыленна, — маныт каче-влак.
А.Байкова.