28 сентябрьыште пошкудо Чуваш Республикын рӱдолаштыже, Чебоксарыште, «Семицветик» национальный тӱвыра ІІІ-шо межрегиональный фестиваль эртен.
Тушко Марий Эл, Башкортостан, Мордва, Татарстан, Чуваш, Удмурт Республикла да Нижегородский область гыч эн сай коллектив-влак чумыргеныт.
Марий Элын чапшым Юлъял гыч «Юл сем» фольклор ансамбль (вуйлатышыже А.Мартынов) арален. Тыгак декоративно-прикладной искусствышто шке мастарлыкыштым Звениговысо тӱвыра да каныме рӱдерын пашаеҥже-влак С.Гаврилова ден М.Тарасова ончыктеныт.
«Юл сем» фольклор коллективат, кидмастар-влакат Лауреат диплом да шарнымашан пӧлек дене палемдалтыныт.
Л.Камалетдинова.