27 сентябрьыште республикысе туризм отрасльыште ыштыше-влак Морко районыш миен коштыныт.
Марий Элын Молодёжный политике, спорт да туризм министерствыжын организоватлыме инфотур районын турист потенциалже дене палдарен. Таклан огыл, вет ты районысо Унчо кундем вес ийын финн-угор тӱнян тӱвыра рӱдышкыжӧ савырнышаш. Эшежым республик вуйлатышын грант проект конкурсыштыжо сеҥымылан кӧра Морко районышто турист-увер рӱдерымат почаш ямдылалтыт. Сандене туризмым вияҥден колташ тыште сай негыз да амал уло. Уло мом тыш толшо, тыгак ты отрасльыште тыршыше-влакланат ончыкташ. Инфотур жапыште шуко вашлиймаш, пӱртӱс памятник-влак дене палдарымаш, «йыргешке ӱстел» йыр мутланымаш, кидпаша, национальный кочкыш, муро-куштымаш шотышто тӱрлӧ мастер-класс эртеныт.
С.Носова.
