УВЕР ЙОГЫН

Кажне йыҥгыртен кертеш

Общероссийский калык фронтын сайтыштыже калык деч тургыжландарыше йодыш шотышто сигналым налме «йошкар кнопко» (https://onf.ru/signal-na-front) ышталтын.

Тудын полшымо дене кажне гражданин илышыште вашлиялтше пӱсӧ йодыш дене Калык фронтыш лектын кертеш. Тиде социальный сферысе организаций ден учрежденийлаште граждан-влакын законный праваштым пудыртымо, закондымын ышталтше шӱкшакым кышкыме вер, чодырам шолып руымо сӱрет, кугыжаныш ден муниципальный сферыште коррупций але оксам шоттдымын кучылтмо факт дене кылдалтше проблеме-влакат лийын кертыт.

Калык фронтын еҥже-влак, жапым шуйкалыде, кажне йодмаш почеш шымлыме пашам эртарат, кӱлеш гын, федеральный ден региональный органламат, журналист сообществымат ушат.

 — Ме еҥ-влак дене вияш кылым ыштымашым пеш кӱлешанлан шотлена. Манмыла, уверым верла гыч вигак пален налаш тыршена. Пашам оперативно ышташ, граждан-влак дене сай кылым ышташ манын, у технологийлан эҥертена, у форматым кучылтына. Туге гынат Калык фронт кугыжаныш ден суд орган-влакым алмаштен огеш керт, санденак правам аралыше орган-влакын пунчалышт шотышто суд дела ден вуйшимаш-влакым огеш ончо, — палемден Калык фронтын исполкомжым вуйлатыше Алексей Анисимов.

 С.Носова.

Опубликовать в Одноклассники

Добавить комментарий