Тиде тунемме ийыште, 4-6-шо класслаште тунемше-влак всероссийский тергыме пашам (ВПР) обязательный семын возаш тӱҥалыт манын каласеныт. Тиде тыгак мо?
О.СЕРГЕЕВА.
Советский район.
Йодышлан вашмутым Марий Элын Образований да науко министерствын пресс-службыштыжо пуэныт:
– Рособрнадзорым вуйлатыше С.Кравцовын мутшо почеш, 4-6-шо класслаште тунемше-шамыч ВПР-ым чынжымак обязательный семын возат. 4-ше классыште – руш йылме, математике, йырым-йырысе тӱня дене. Моло классыште списке кажне ийын вашталт толеш да шукемеш. А16-18 октябрьыште 6-шо ден 8-ше класслаште географий дене национальный шымлымашым эртарат. Апрельыште физкультурым тергат. Тидыже икшыве-влакын нине предметла дене могай кӱкшытан шинчымашым налмыштым ужаш полша.
Л.ШАБДАРОВА.