УВЕР ЙОГЫН

Мемнан декат толын шуын

1 июль гыч мемнан илышыш «Эфирысе цифр телевизионный вещанийын сигналжым тӱшкан налме системе» P 58020-2017 кугыжаныш стандарт илышыш пурен.

 Ынде элнан чыла олаштыже 10 гыч 20 цифр эфир телеканал пашам ышта. Нуным ончаш куштылгырак лийын. У кугыжаныш стандарт почеш, шуко пачашан пӧртлаште телевиденийым тӱшкан ончымо системым (СКПТ) шыҥдарат.

 Но тидлан посна антенным вераҥдыман. Пӧлемыште гына вераҥдыме антенне сайын пашам ыштен огеш керт. А кажныжлан посна антенным уремысе пырдыжлаште вераҥдаш куштылгыжак огыл. Тидын годым телевиденийын ончыктымо качествыже лачшымак тудым мыняр кӱшкырак вераҥдыме дене кылдалтеш.

 Шуко пачашан пӧртлаште илыше-шамычлан ик коллективный антенным да ик подъездыште але уло пӧртыштӧ илыше-влаклан шеледыше системым вераҥдаш шотлан толеш. СКПТ ик пачерыштак икмыняр приемник улмо годымат сайрак. Вет цифр телевиденийын кок мультикомплексше уло ешлан жапым пайдалын эртараш йӧным ышта.

РТРС-ын Марий Элысе филиалжым вуйлатыше Андрей Шадринын ойлымыж почеш, мемнан регионышто цифр теле-радиовещаний сеть ышталтын. 99 процент калыкна икымше да кокымшо мультикомплекс-влакын 20 цифр каналжым ончен кертеш. Тыгак «Марий Эл» ГТРК-ан программыже-влакымат икымше мультикомплекс кышкарыште ончаш йӧн лектын.  

 Коллективный антенне 10 метр деч ӱлнӧ лийшаш огыл. Тудын оратажат кугу огыл да пӧртын тӱжвал сынжым ок локтыл. СКПТ — коммунальный инфраструктурын ужашыже манашат лиеш. Тудым вераҥдымылан управляющий компаний-влак мутым кучат. Сандене тыглай граждан-влак шке илыме пӧртлаштышт тудым вераҥдаш шонат гын, йодмаш дене лач тушко лекшаш улыт.

 С.Носова.

Опубликовать в Одноклассники

Добавить комментарий